විශාල හඬක් නගමින් පස්බැම්ම පෙරළි ගිය සැණින් ක්රියාත්මක වූ ප්රදේශවාසීන් අනතුර සම්බන්ධයෙන් තලංගම පොලීසියට සහ යුද හමුදාවට දැනුම් දී තිබූණි.
යුද හමුදා කණ්ඩායමක් වහාම සිද්ධිය සිදුවූ ස්ථානයට පැමිණි අතර ඔවුන් ප්රදේශවාසීන් හා එක්ව පුද්ගලයන් දෙදෙනා බේරාගැනීම සඳහා මෙහෙයුමක් ආරම්භ කර තිබුණි.
පස්බැම්මට යටවී සිටි එක් පුද්ගලයෙක් බේරාගෙන ගිලන් රථයකට භාරදීමට කඩිනමින් කටයුතු කර තිබුණත් සිරවී සිටි අනෙක් පුද්ගලයා බේරා ගැනීම සඳහා ආරක්ෂක අංශ සහ ප්රදේශවාසීන්ට විශාල පරිශ්රමයක් දැරීමට සිදුවිය.
ඔවුන් පස් අතර සිරවී සිටි පුද්ගලයාට නළයක් මාර්ගයෙන් ඔක්සිජන් සැපයීම සිදුකරමින් මේ ගලවා ගැනීමේ මෙහෙයුම දියත් කර තිබුණි.
ආරක්ෂක අංශ සහ ප්රදේශවාසීන්ගේ දැඩි උත්සහායෙන් අනතුරුව බේරාගත් එම පුද්ගලයා ද ගිලන් රථයකින් වහාම කොළඹ ජාතික රෝහලට ඇතුළත් කිරීමට පියවර ගැනුණි.
මේ සිද්ධිය සම්බන්ධයෙන් තලංගම පොලීසිය වැඩිදුර පරීක්ෂණ සිදු කරන අතර මේ දෙදෙනාගේ ජීවිත කඩිනමින් බේරා ගැනීමට හැකි වූ නිසා ඔවුන්ගේ තත්ත්වය බරපතළ නොවන බව සෞඛ්ය අංශ පවසයි.
දිනමිණ
